<HR style="COLOR: #d1d1e1" SIZE=1>
6:30ص ((غرفه نوم الاب والام الاب يستيقظ من النوم)) -هييه يا فتاح يا عليم يا رزاق يا كريم (تثاؤب) - يا سنيه يا سنيه - ايوه يا ابو محمد ..صباح الخير يا حبيبي
- صباح النو يا سنيه ...ميت مره اقولك اننا عندنا بنوته حلوه اسمها ياسمين و ان محمد اصغر منها يعني تناديلي يا ابو ياسمين - بس يا بو مح.. قصدي يا بو ياسمين تبقي عيبه لما يكون عندنا ولد ما شاء الله طول بعرض و اناديلك يا بو ياسمين - سيبك من العادات الباليه دي و قوليلي كده هي البنت مش زي الولد دلوقت واحسن منه كمان و بنتنا ياسمين دي بالذات حاجه خاصه كفايه جدا انها الاولي ع الاداره السنه اللي فاتت ثانيه ثانوي...ثانيه ثانوي اللي زمايلها البنات جايبين فيها 80% فاكره بنتك جايبه كام يا سنيه 99% ...ما شاء الله عليها ..يعني بنتك دي بميت راجل يا سنيه ..ماشي يا ام ياسمين (الام ضاحكه):ماشى يا بو ياسمين -امال هي فين دلوقت -ف الحمام بتاخد دش اصلها كانت سهرانه طول الليل بتذاكر (الاب معجبا:بنت ب100 راجل صحيح) ((ع الفطار)) -صباح الخير يا بابا - صباح الخير يا محمد ايه يا بني علي فين بدري كده -النادي يا بابا عندنا ماتش بدري النهارده - طب و المدرسه -(غامزا) زمايلي هيسدوا مكاني النهارده يا بابا هو يعني عشان انا ف2 ثانوي مليش حق اغيب يوم حتي -(الام):لا مالكش حق يا خويا و تعالي بقي ساعدني ف الفطار بدل الرغي مع ابوك -(الاب) :روح يا واد ساعد امك احسن مانفطرش النهارده -(غامزا لابيه): حاضر يا بابا ((تخرج ياسمين )) - صباح الخير يا بابا -صباح الخير يا عيون بابا -عامله ايه يا حبيبتي -الحمد لله يا بابا -ايه ده يا بنتي ده عنيكي حمره قوي وتحت عينيك اسود (مربتا على كتفها برفق) خشي نامي شويه يا حبيبتي - معلش يا بابا اصلي عندي كورسات -طب عندك حاجه دلوقت يل بنتي بدري؟خشى نامى شويه -عندي الساعه 9 و 12 و2 -طب خدي دول يا حبيبتي -بس ده كتير اوي يابابا -ما يغلاش عليك يا قمر -الله الله الله وانا فين بقي ان شاء الله؟ -اصبر يا واد يا عفريت انته نصيبك جاي و بعدين انت ما بتسهرش تذاكر زي اختك ليه -(ضاحكا): لا انا مش وطواط ليلي زيها بمص دم الكتب (تتصاعد الضحكات علي المائده) (( ف الطريق للكورس)) -ياسمين (تلتفت ورائها مذعوره و تسرع الخطي في خجل) -ياسمين ياسمين لحظه (برقه) عاوز ايه يا حسام -انتي عارفه انا عاوز ايه ... 3 سنين ما بنشوفش بعض من ساعه ما سافرنا احنا...ده حرام (بدلال): احنا ف 3 ثانوي دلوقت ده وقت مذاكره بس -انت بس لو ترضي عليا وترجع ايام زمان هيبقي احلي وقت مذاكره ف حياتي كلها كفايه هبقي مرتاح نفسيا ع الاقل -(تتصاعد حمره الخجل علي وجه ياسمين) :طب نتكلم بعد الكورس ((تدخل الكورس))<hr style="COLOR: #d1d1e1" SIZE=1> ((المدرسه_حجره المعلمين _ مكان عمل الاستاذ فهمى ابو ياسمين)) -صباح الخير يا استاذ فهمي -صباح الخير يا استاذ حسين -ايه عندك حاجه بدري النهارده -ايوه يا سيدي ...عندي 2/1 3/2 3/5 -امال العروسه بنتك ما بتجيش ليه - يا حسين يا اخوي ما انت عارف و راسي ع البير و غطاه نادر اوي اللي بيشرح بذمه النهارده ...وقفتلها قيدها يا سيدي و اهي بتذاكر ف البيت -ربنا يوفقها ان شاء الله -شكرا يا استاذ حسين عن اذنك طالع 2/1 ((بعد الكورس)) - ياسمين - ايوه يا حسام -انتي وعدتيني اننا نتكلم بعد الكورس و انا شايف انه فاضل ساعه ع الكورس الجاي و البيت قريب يعني ممكن نروح مشي ونتكلم ف السكه -(برقه): اوكي يا حسام -ياسمين احنا من زمان و احنا بنلعب مع بعض و نخرج لكن من 3 سنين لما سافرنا مشاعرنل و احاسيسنا نضجت عن الاول ...ياسمين انا هقولك اللي انا حاسس بيه -قبل ما تقول حاجه يا حسام انا كمان اتخنقت قوي لما بعدنا عن بعض ...اما السنه دي ف الكورسات هي اللي بتقربنا من بعض .. طبعا في حدود الادب و الاخلاق اللي انا وانت متربيين عليها -طبعا يا ياسمين ..انا باحترم باباكي قوي هو بمثابه والدي طبعا (مبتسمه):كنت عاوز تقول ايه بقي -كنت عاوز اقولك اني باحبك اوي اوي (تصاعدت حمره الخجل الي وجه ياسمين) : ي ي يعني اعجاب يعني و لا ايه -لا بحبك حقيقي فعلا -و انت ؟ -انا ايه -حاسه ايه ناحيتي ؟ (تصمت قليلا): انا..انا....انا باحبك (و اندفعت كالصاروخ علي سلم البيت) ((منزل مجاور لمنزل الاستاذ فهمي..)) (الام لابنها المهندس طارق) -بقولك ايه يا طارق يا بني ..انا كبرت و رجلي بقت ف القبر يا بني و ما ضمنش اعيش لبكره -بعد الشر يا امي ..ايه بس فيه ايه؟ -عايزه اطمن عليك (ضاحكا): شكلها كده جوازه - اه .. هي فعلا جوازه يا بني ...مشفتش ياسمين بنت جارتنا سنيه -هي بصراحه البنت باين عليها عاقله و رزينه و جميله اوي -طب اكلملك امها -لا لا لا ...سبيني شويه كده ..و بعدين ارد عليكي - يا بني خير البر عاجله - يا حاجه اصبري عليا .. و انا هرد عليكي كمان شويتين (الام ضاحكه):هو انت العروسه يا بني عشان اسيبك تفكر شويه (تتصاعد الضحكات)<hr style="COLOR: #d1d1e1" SIZE=1> ((منزل اسره ياسمين)) (الاب ينادي ابنته): ياسمين..يا ياسمين -ايوه يا بابا -تعالي لحظه يا حبيبتي كده -تحت امرك يا بابا -بصي يا ياسمين ..انت طبعا بنتي حبيبتي و يهمني مصلحتك -طبعا يا بابا -فيه ناس شافوكي و انت بتتكلمي مع حسام قدام البيت (ياسمين و قد تملكها الفزع و سيطرت عليها عليها المفاجْاه): اصل يا بابا.. -متخافيش يا حبيبيه بابا انا مش هضربك و لا هزعقلك ...بس قوليلي بصراحه هو انت بتتكلمي مع حسام فعلا؟ -هو اللي جه النهارده يكلمني -انا عارف يا بنتي ان انتي و حسام متربيين مع بعض و انه اخلاقه عاليه زي اهله ...بس انتي يا بنتي خلاص كبرتي و هتبقي عروسه .... كلام الناس يا بنتي ما بيرحمش - اللى تقول عليه حضرتك يا بابا هنفذه -انا مش هقولك ما تكلميش حسام لاني بكده هبقي بظلمك ...بس هقولك حاجه واحده ..حافظي علي علاقتك معاه في حدود الزماله المحترمه يا بنتي ..و هو اخوكي برضه وانا واثق فيكي يا بنتي و ف اخلاقه بسع برضه خليكي فاكره ما يقع الا الشاطر...خلي بالك من نفسك يا بنتي (تطبع قبله علي وجنته): حاضر يا بابا ((امام منزل المهندس حسين)) (المهندس حسين يبتاع علبه دواء لوالدته فيقع نظره علي ياسمين و هي راجعه من اخر كورس...الصيدلي يلاحظ اهتمامه بها) -الدكتور:انت تعرفها يا باشمهندس...دي ياسمين بنت الاستاذ فهمي جاركم -اه اعرفها...انت ايه رايك فيها يا دكتور صلاح؟ -هي كويسه و جميله طبعا و دايما ماشيه مع واد جارهم قدها اسمه حسام....اهو جه هناك اهه اصلهم متربيين مع بعض و طبعا ما يخفاش علي حد انهم بيحبوا بعض اكيد (حسن وقد اصابه الحزن والصدمه و الحسره): اه اكيد.... - ايه مالك يا باشمهندس ..انت دايخ و لا ايه؟ - لا لا يا د. مفيش حاجه .. هو الحساب كام؟ - 30جنيه ..ما تخلي المره دي يا باشمهندس -تسلم يا د. سلامو عليكو -و عليكم السلام (يصعد حسن الي شقته و يغلق الباب) __________________________________________to be continued.....
ن¸»é،Œ: ياسمين (روايه) ((الفصل الاول و الثاني)).....تاليف :aws 
2007-11-23, 9:40 am